Հոլիվուդյան հայտնի դերասան Քարի-Հիրոյուկի Տագավան, որը հայտնի է «Մահացու գոտեմարտ» ֆիլմում (1995) Շան Ցունգի դերով, մահացել է, հաղորդել է «Variety»-ն՝ հղում անելով նրա ներկայացուցչին։

Նա 75 տարեկան էր։

Դերասանը մահացել է դեկտեմբերի 4-ին Սանտա Բարբարայում, իր տանը՝ կաթվածից հետո առաջացած բարդություններից։

Քարի-Հիրոյուկի Տագավան ճապոնական ծագումով ամերիկացի դերասան էր։ Նա լայնորեն հայտնի է «Մահացու գոտեմարտ» (Mortal Kombat (1995)) ֆրանշիզայում խորամանկ կախարդ Շան Ցունգի և «Թեքեն» ֆիլմերի և խաղերի շարքում հզոր պատրիարք Հեյհաչի Միշիմայի մարմնավորմամբ։ Նա նաև նկարահանվել է «Հաչիկո. Շան պատմություն», «Երեխա», «Շոու Փոքրիկ Տոկիոյում», «Գեյշայի հուշագրություններ» ֆիլմերում և հեռուստասերիալներում: