ԱՄՆ-ն դադարեցրել է Չինաստանի պետական ​​անվտանգության նախարարության դեմ պատժամիջոցներ կիրառելու ծրագրերը՝ կիբերլրտեսության զանգվածային արշավի պատճառով, որպեսզի կանխի այս տարի երկու երկրների միջև կնքված առևտրային զինադադարի փլուզումը, գրել է «Financial Times»-ը։

Թրամփի վարչակազմը նաև չի կիրառի Չինաստանի դեմ արտահանման նոր նշանակալի վերահսկողություն։

Հրապարակման համաձայն՝ Չինաստանի հետ կապված հաքերները նախկինում թիրախավորել էին բազմաթիվ ամերիկյան և միջազգային հեռահաղորդակցության ընկերություններ, նաև ԱՄՆ բանակի Ազգային գվարդիայի ցանցը՝ լայնածավալ և բազմամյա կիբերլրտեսության արշավի շրջանակներում, որը հայտնի է որպես «Աղի թայֆուն» (Salt Typhoon)։