Նախագահ Ալեքսանդր Լուկաշենկոյի հանձնարարությամբ Բելառուսը սկսել է զորքերի մարտական ​​պատրաստության անսպասելի ստուգում, հայտարարել է երկրի պաշտպանության նախարարությունը։

«Առաջին ստուգվող ստորաբաժանումը տեխնիկական աջակցության ստորաբաժանումն է։ Սա զինված ուժերի ամենամեծ զորամասերից մեկն է, որտեղ պահվում են տարբեր զրահատեխնիկա և ռազմական տեխնիկա», - ասվում է հայտարարության մեջ։

Անվտանգության խորհրդի պետքարտուղար Ալեքսանդր Վոլֆովիչի խոսքով՝ ստուգումը կանցկացվի մի քանի փուլով ու հաշվի կառնի Ուկրաինայում հակամարտության փորձը։ «Նախագահն ասել է, որ անձամբ կմասնակցի այս ստուգմանը, բայց նա կորոշի, թե որ ստորաբաժանումները և երբ», - պարզաբանել է Վոլֆովիչը։