Իրաքը թույլ չի տա, որ իր օդային տարածքը, ցամաքային և ծովային սահմանները օգտագործվեն հարևան պետությունների դեմ ռազմական հարվածների համար,  հայտարարել է  երկրի վարչապետ Մոհամմեդ Շիա ալ-Սուդանին այս մասին հայտարարել է ԱՄՆ պետքարտուղար Մարկո Ռուբիոյի հետ հեռախոսազրույցի ժամանակ։

Նրանք քննարկել են Մերձավոր Արևելքում ստեղծված իրավիճակը։ Ալ-Սուդանին ընդգծել է Իրաքում դիվանագիտական ​​առաքելությունների պաշտպանության իր հանձնառությունը։ Վարչապետը շեշտել է, որ երկրում դեսպանատների, դիվանագիտական ​​առաքելությունների և հյուպատոսությունների անվտանգության ապահովումն Իրաքի զինված ուժերի հիմնական խնդիրներից մեկն է։

Ալ-Սուդանին նաև ընդգծել է, որ Իրաքի օդային տարածքը, նրա ցամաքային և ծովային սահմանները չպետք է օգտագործվեն հարևան պետությունների վրա որևէ հարձակման համար։

Վարչապետը շեշտել է, որ Բաղդադը դեմ է Իրաքի ներգրավվածությանը շարունակվող հակամարտություններին և որևէ կողմի օդային տարածքի խախտմանը։

Քննարկվել է նաև Թուրքիայի միջոցով իրաքյան նավթ արտահանող խողովակաշարի շահագործման վերսկսման հարցը։