Սլովակիան չի աջակցի Եվրահանձնաժողովի՝ կարևոր որոշումների կայացման գործընթացում վետոյի իրավունքը սահմանափակելու նախաձեռնությանը։ Այս մասին հայտարարել է Սլովակիայի վարչապետ Ռոբերտ Ֆիցոն Բուլղարիայի վարչապետ Ռումեն Ռադեւի հետ բանակցություններից հետո կայացած ճեպազրույցի ժամանակ։

«Վետոյի իրավունքը կարմիր գիծ է. մենք չպետք է հրամաններ ընդունենք Բրյուսելից։ Հենց վետոյի իրավունքն է երաշխավորում Եվրամիության կենսունակությունը, որ այն կարող է որոշումներ կայացնել փոխադարձ փոխզիջումների հիման վրա։ Ահա թե ինչու ԵՄ-ում վետոյի իրավունքը չպետք է սահմանափակվի», - ասել է Սլովակիայի վարչապետը։

Ֆիցոն պաշտոնական այցով Սոֆիայում է եղել։ Բանակցությունների օրակարգում են եղել միջազգային քաղաքականությունը, երկկողմ հարաբերությունները և փոխադարձ հետաքրքրություն ներկայացնող տարբեր ոլորտներում համագործակցության զարգացումը։