Միացյալ Նահանգների նախագահ Դոնալդ Թրամփը խոստացել է պաշտպանել հրեա ժողովրդին օտարերկրյա հարձակումներից, այդ թվում՝ երաշխավորելով հրեական կրոնական արարողությունների անվտանգությունը, այս մասին նշված է Սպիտակ տան ղեկավարի Խանուկայի առթիվ հղված ուղերձում։

«Այս տոնական շրջանում իմ վարչակազմը կշարունակի ամուր կանգնած լինել հրեա ժողովրդի կողքին և պաշտպանել յուրաքանչյուր հավատացյալի իրավունքը՝ ազատորեն դավանելու իր կրոնը՝ առանց հալածանքների վախի», - ասվում է Սպիտակ տան կայքում տեղադրված հաղորդագրության մեջ: