Русский
Շաքարի փոխարինիչներն ունեն մի շարք առավելություններ, ինչպիսիք են՝ ատամների փչացման ռիսկի նվազեցումը և շաքարի համեմատ ավելի քիչ կամ ընդհանրապես կալորիաների բացակայությունը, այնուամենայնիվ, դրանք ունեն կողմնակի ազդեցություններ, «Մոսկվա 24»-ին ասել է սննդաբան և բժիշկ Դարյա Ռուսակովան։
«Մեծ չափաբաժիններով դրանք կարող են խաթարել ստամոքս-աղիքային տրակտի աշխատանքը և լուծ առաջացնել, քանի որ ունեն լուծողական ազդեցություն։ Հնարավոր են նաև ալերգիկ ռեակցիաներ, անհատական անհանդուրժողականություն և միգրեն», - զգուշացրել է բժիշկը։
Ըստ նրա՝ դրանք կարող են նաև ազդել աղիների մանրէների հավասարակշռության վրա, ուստի կարևոր է դրանք ընտրել անհատապես՝ բժշկի հետ խորհրդակցելուց հետո։
Ռուսակովան նշել է, որ ֆրուկտոզան կարող է բացասաբար ազդել լյարդի և աղիքների աշխատանքի վրա, քսիլիտոլը՝ մարսողական խնդիրներ, իսկ սորբիտոլը՝ լուծ և որովայնի ցավ առաջացնել։
Նա խորհուրդ է տվել սննդային անհանդուրժողականություն, ալերգիա, ստամոքս-աղիքային հիվանդություններ կամ աղիքային միկրոբիոմի խանգարումներ ունեցող հիվանդներին հատկապես զգույշ լինել շաքարի փոխարինիչների հետ։
Ավելին, հղի և կրծքով կերակրող կանայք, ինչպես նաև երեխաները, պետք է խուսափեն դրանցից։