Սև ծովում, Բուլղարիայի ափերի մոտ անօդաչու թռչող սարքերի հարվածել են երկու առևտրային նավի։

 Նավերից մեկը խորտակվել է։ Միջադեպի մասին հայտնել են բուլղարական լրատվամիջոցները։

Հարձակման ենթարկված նավերը կրել են Տոգոյի և Պալաուի դրոշները։ Ըստ տեղեկությունների՝ դրանցից մեկը՝ Տոգոյի դրոշով ընթացող «ALFA WATAN»-ը, խորտակվել է․ անձնակազմի ճակատագրի վերաբերյալ տեղեկություններ չկան, ընթացքի մեջ է փրկարարական գործողություն։  Նավի վրա մարդկանց թիվն անհայտ է։

ABLE նավից փրկվել է 18 նավաստի։ Նրանցից ոմանք վնասվածքներ են ստացել։ Հարձակման պահին երկու նավերն էլ եղել են Բուլղարիայի բացառիկ տնտեսական գոտում, թեև ոչ նրա տարածքային ջրերում։ Միջադեպից հետո Բուլղարիայի վարչապետ Ռումեն Ռադեւը պետական ​​կառույցների ներկայացուցիչների հետ արտահերթ խորհրդակցություն է հրավիրել։

«Marine Traffic» ծառայության տվյալներով՝ խորտակված նավը Եգիպտոսից Ռումինիա էր ուղևորվում, իսկ ABLE-ը՝ Ռումինիայից Ստամբուլ։