Իրանի Իսլամական հեղափոխության պահապանների կորպուսը հերքել է Թեհրանի մասնակցությունը Պարսից ծոցում վերջերս կատարված հարձակումներին։

«Վերջին մի քանի ժամվա ընթացքում տարբեր լրատվական գործակալություններ հրապարակել են Պարսից ծոցի հարավային ափին գտնվող մի քանի երկրներում թիրախների վրա հրթիռային և անօդաչու թռչող սարքերի հարձակումների մասին հաղորդագրություններ։ Տեղեկացնում ենք ձեզ, որ Իրանի Իսլամական Հանրապետության զինված ուժերը հրադադարի ընթացքում որևէ երկրի դեմ որևէ հրթիռ կամ անօդաչու թռչող սարք չեն արձակել», - նշվել է ԻՀՊԿ մամուլի ծառայության հայտարարության մեջ։

Ըստ ԻՀՊԿ-ի՝ եթե այս հաղորդագրությունները ճիշտ են, «դրանք անկասկած սիոնիստական ​​թշնամու կամ Միացյալ Նահանգների ձեռքի գործն են»։