Իսպանացի զինվորականները սարքավորումներ են տեղակայում Մարոկկոյի սահմանին՝ հազարավոր միգրանտների հոսքից հետո։

Իսպանիայի վարչապետ Պեդրո Սանչեսը Սեուտա ժամանող մարդկանց զանգվածային հոսքը անվանել է երկրի տարածքային ամբողջականության դեմ հարձակում և նշել է, որ իշխանությունները արագացնում են անօրինական միգրանտների հայրենադարձությունը։

Գերմանիայի կանցլեր Ֆրիդրիխ Մերցը ողջունել է Իսպանիայի՝  անօրինական միգրանտների մուտքը Եվրոպա կանխելու որոշումը։ Նա նշել է, որ ԵՄ արտաքին սահմանների պաշտպանությունը կարևորագույն նշանակություն ունի անօրինական միգրանտների դեմ պայքարում։

Երեկ հազարավոր աֆրիկացի միգրանտներ ճեղքել են ցանկապատը՝ Մարոկկոյից Իսպանիա անցնելու համար։ Իսպանիայի արտաքին գործերի նախարարության տվյալներով՝ վերջին 24 ժամվա ընթացքում Սեուտա է մտել գրեթե 50,000 միգրանտ։

Կառավարությունը հրաժարվել էր արտակարգ դրություն հայտարարել, չնայած սահմանը հատելու փորձի ժամանակ առնվազն 18 մարդ զոհվել էր, իսկ միգրանտները սկսել էին ներխուժել տներ, հրդեհներ բռնկել ու կռիվներ սկսել։ Բանակը մոբիլիզացվել էր։