Անկարան պատրաստ է զորքեր ուղարկել՝ տարածաշրջանում խաղաղություն հաստատելու համար, եթե անհրաժեշտ լինի, հայտարարել է Թուրքիայի արտաքին գործերի նախարար Հաքան Ֆիդանը «Ալ Ջազիրա»-ին տված հարցազրույցում։

Նրա խոսքով՝ Թուրքիան ստանձնում է Մերձավոր Արևելքում հակամարտության խաղաղ կարգավորման առաջխաղացման պատասխանատվությունը և աջակցում է Գազայի հատվածում հրադադարի համաձայնագրի իրականացմանը։

Ֆիդանը որպես հիմնական քայլեր նշել է «Խաղաղության խորհրդի» ստեղծումը, Գազայի հատվածի կառավարման փոխանցումը Պաղեստինի ինքնավարությանը և ոստիկանական ուժերի ստեղծումը։