Русский
Նույնիսկ կրծքագեղձի հեռացումից հետո կա քաղցկեղի կրկնության վտանգ, ասել է ուռուցքաբան Վլադիմիր Իվաշկովն իր Telegram ալիքում:
Իվաշկովը մեջբերել է վիճակագրություն, որի համաձայն կանանց 10 տոկոսի մոտ կրծքագեղձի հեռացումից հետո տասը տարվա ընթացքում քաղցկեղի կրկնություն է նկատվում: Նա բացատրել է, որ վիրահատության ընթացքում տեխնիկապես անհնար է հեռացնել բոլոր աննորմալ բջիջները:
«Բուժումից առաջ սկզբնական ուռուցքն արդեն զարգացրել է միկրոմետաստազներ: Անհնար է հայտնաբերել ապագա խնդիրների այս քնած օջախները, մինչև ուռուցքը չսկսի աճել: Երբեմն դա տեղի է ունենում կրծքագեղձի քաղցկեղի հաջող բուժումից տասը տարի անց»,- հավելել է մասնագետը:
«Ահա թե ինչու է կարևոր ավարտել բուժման բոլոր փուլերը և թերապիան հասցնել մինչև վերջ»,- շեշտել է Իվաշկովը:
«Այսօր բժշկությունը քաղցկեղի բուժման երեք հենասյուներից՝ վիրահատությունից, դեղորայքային թերապիայից և ճառագայթային թերապիայից ավելի արդյունավետ ոչինչ չի հորինել։ Դրանք գործում են միայն միասին», - ընդգծել է բժիշկը։