Իրանի հետախուզության նախարարությունը հայտարարել է «լրտեսական սարքավորումների» մեծ խմբաքանակի, այդ թվում՝ «Starlink» տերմինալների առգրավման մասին։

Խմբաքանակն անօրինական կերպով ներմուծվել է տարածաշրջանի մի երկրից ու նախատեսված է եղել բաշխել այն նահանգներում, որտեղ վերջին օրերին անկարգություններ են տեղի ունեցել։ Խմբաքանակը ներառել է 100 հեռահար ընդունիչ, 50 BTS ազդանշանի ուժեղացուցիչ, տարբեր ապրանքանիշերի 743 «5G» մոդեմ ու 799 ժամանակակից բջջային հեռախոս։

Ըստ հետախուզության՝ համատեղ օգտագործման դեպքում այս սարքավորումները կարող են թույլ տալ «օտարերկրյա գործակալներին և ահաբեկչական խմբավորումներին»  բջջային կապի և ինտերնետի հասանելիություն ունենանալ դժվարամատչելի տարածքներում՝ լեռներում, անապատներում և հեռահաղորդակցության ենթակառուցվածք չունեցող գոտիներում՝ «հետախուզական և դիվերսիոն գործողություններ» իրականացնելու համար։