«Կրասնոդարի» ֆուտբոլիստ Էդուարդ Սպերցյանը ներկայումս գտնվում է Լիսաբոնում, որտեղ անցնում է բուժզննում իր նոր ակումբին՝ Սաուդյան Արաբիայի «Ալ-Ահլի»-ին միանալու համար։ euro-football.ru-ի հաղորդմամբ, այս մասին հայտնել է ինսայդեր Իվան Կարպովը։

«Էդոն վերջերս էր Հայաստանում, և այսօր նա ավարտին է հասցնում իր տեղափոխությունը Սաուդյան Արաբիա», - ասել է Կարպովը։

Նոր ակումբում Սպերցյանը, ինչպես սպասվում է, տարեկան կվաստակի ավելի քան 6 միլիոն եվրո։ Ըստ Կարպովի, նրա պայմանագիրը նախատեսված կլինի մինչև 2029 թվականի ամառը, ևս մեկ մրցաշրջանի հնարավորությամբ։

Հիշեցնենք, որ Սպերցյանը «Կրասնոդարի» ակադեմիայի սան է։ Սա նրա առաջին տեղափոխությունն է այլ ակումբ։ Անցյալ մրցաշրջանում նա խփել է 32 գոլ։