Русский
ԱՄՆ նախագահ Դոնալդ Թրամփն ասել է, որ մտահոգություններ ունի իր սեփական անվտանգության համար, բայց փորձում է նման մտքերը մի կողմ դնել։
«Ես անհանգստանում եմ դրա համար, բայց պետք է դա վանեմ մտքիցս, հակառակ դեպքում անհնար կլինի կատարել իմ աշխատանքը», - ասել է ամերիկացի առաջնորդը «NBC News»-ին տված հարցազրույցում։
Թրամփը նաև ասել է, որ Իրանի գերագույն առաջնորդ Ալի Խամենեին «պետք է շատ անհանգստանա»։
- Պե՞տք է Իրանի գերագույն առաջնորդը շատ անհանգստանա։
- Ես կասեի, որ նա պետք է շատ, շատ անհանգստանա։ Մենք եկանք և ոչնչացրինք նրանց միջուկային ծրագիրը։ Եթե մենք այն չոչնչացնեինք, Մերձավոր Արևելքում խաղաղություն չէր լինի։ Որովհետև արաբական երկրները երբեք չէին կարողանա դա անել։ Նրանք շատ, շատ էին վախենում Իրանից։
Թրամփը կրկին սպառնացել է Իրանին, որ եթե նրանք որոշեն վերսկսել իրենց միջուկային ծրագիրը և բացել նոր օբյեկտներ, ԱՄՆ-ն «շատ վատ բաներ» կանի։