Անկարայում Լեհաստանն ու Թուրքիան ստորագրել են անվտանգության ոլորտում գործակցության ամրապնդմանն ուղղված փոխըմբռնման հուշագիր:

Փաստաթուղթը ներառում է տեղեկատվության փոխանակում, համատեղ զորավարժություններ, զինված ուժերի ստորաբաժանումների միջև համակարգում, պաշտպանական արդյունաբերության զարգացում և զինված ուժերի գործառնական կարողություններ:

Լեհաստանի պաշտպանության նախարար Կոսինյակ-Կամիշն ընդգծել է Թուրքիայի ռազմավարական նշանակությունը Վարշավայի համար և հույս է հայտնել լեհական ռազմական տեխնիկայի, այդ թվում՝ «PIT-Radwar» արտադրության պասիվ ռադարների գնման վերաբերյալ: Նա նաև խոստացել է Թուրքիային աջակցություն եվրոպական նախագծերում և Եվրոպական միությանն անդամակցելու բանակցությունների հնարավոր վերսկսման հարցում: