Ամերիկայի Միացյալ Նահանգներն ու Դանիայի թագավորությունը կարող են վերանայել 1951 թվականի Գրենլանդիայի պաշտպանության համաձայնագիրը՝ կղզու կարգավիճակի շուրջ կոնֆլիկտից խուսափելու համար, հաղորդել է CNN-ը՝ հղում անելով եվրոպական քաղաքական շրջանակների աղբյուրներին։

Հեռուստաալիքի տվյալներով՝ ՆԱՏՕ-ի գլխավոր քարտուղար Մարկ Ռյուտեն գաղտնի զրույցում բարձրացնում է համաձայնագրի վերանայման հնարավորությունը, որը հնարավոր է ներառի «լուրջ երաշխիքներ», որոնք արգելում են չինական ներդրումները Գրենլանդիայում։

ԱՄՆ-ի և Դանիայի միջև 1951 թվականի համաձայնագիրը նախատեսում է ամերիկյան զորքերի ներկայություն Գրենլանդիայում և Վաշինգտոնին է վերապահում նրա պաշտպանության պատասխանատվությունն արտաքին ագրեսիայի դեպքում։