ԱՄՆ-ն և Ճապոնիան համաձայնության են եկել ամերիկյան էներգետիկ ոլորտում մինչև 73 միլիարդ դոլարի ճապոնական ներդրումների վերաբերյալ, հայտնել է Սպիտակ տունը։

Համաձայնագիրը ներառում է երեք նախագծերի իրականացում, այդ թվում՝ նոր սերնդի փոքր մոդուլային ռեակտորների կառուցում։ Նախագիծը կիրականացվի «Hitachi»-ի և «GE Vernova»-ի համատեղ ձեռնարկության կողմից Թենեսիում և Ալաբամայում։ Տոկիոն մինչև 40 միլիարդ դոլար կներդնի այս նախագծի համար։

Բացի այդ, մինչև 33 միլիարդ դոլար է նախատեսվում Փենսիլվանիայում և Տեխասում գազով աշխատող էլեկտրակայանների կառուցման համար՝ հոսանքի աճող պահանջարկը բավարարելու համար, այդ թվում՝ արհեստական ​​բանականության մեջ օգտագործվող տվյալների կենտրոններից։

Ներդրումը Ճապոնիայի կողմից ԱՄՆ-ում 550 միլիարդ դոլարի ընդհանուր արժողությամբ նախագծերը ֆինանսավորելու պարտավորության երկրորդ փուլի մի մասն է, որը ձեռք է բերվել երկու երկրների միջև առևտրային համաձայնագրի շրջանակներում։

2025 թվականի հուլիսի վերջին Տոկիոն ու  Վաշինգտոնն առևտրային համաձայնագիր են ստորագրել՝ սակագնային հարցը լուծելու համար։ Այն ներառում է 550 միլիարդ դոլարի ճապոնական ներդրումներ Միացյալ Նահանգներում, ճապոնական շուկայի բացումը ամերիկյան ապրանքների համար, ամերիկյան ապրանքների վրա 15% մաքսատուրք և այլն: Եթե Տոկիոն չստորագրեր համաձայնագիրը, Վաշինգտոնի կողմից կբախվեր 25% հայելային մաքսատուրքի: