Русский
Լիբանանի նախագահ Ժոզեֆ Աունը հանդիպել է Եվրոպական խորհրդի և Եվրոպական հանձնաժողովի ղեկավարներ Անտոնիու Կոշտայի և Ուրսուլա ֆոն դեր Լայենի հետ։
Կողմերը քննարկել են անվտանգության հարցեր, Լիբանանում և տարածաշրջանում տիրող քաղաքական իրավիճակը։ Նշվել է Եվրոպական Միության աջակցությունը պետական ինստիտուտներին և երկրում իրականացվող բարեփոխումներին՝ ընդգծելով «Հեզբոլլահ»-ի լիակատար զինաթափման անհրաժեշտությունը։ ԵՄ առաջնորդները ողջունել են Իսրայելի հետ երկխոսություն հաստատելու ջանքերը։
Աունը, իր հերթին, կոչ է արել Եվրոպային պարտավորեցնել Իսրայելին պահպանել հրադադարի համաձայնագիրը և աջակցել է որոշ եվրոպական երկրների ցանկությունը՝ պահպանել իրենց զորքերը Լիբանանում UNIFIL առաքելության ավարտից հետո։