ԱՄՆ-ի և Ուկրաինայի կառավարությունները մշակել են հուշագիր, որում ուրվագծվում են երկրների միջև հնարավոր նոր պաշտպանական համաձայնագրի պայմանները, գրել է ««CBS News»-ը՝ հղում անելով հարցին ծանոթ երեք աղբյուրների։

ԱՄՆ Պետդեպարտամենտի և ԱՄՆ-ում Ուկրաինայի դեսպան Օլգա Ստեֆանիշինայի կողմից մշակված նախագիծը առաջին քայլն է դեպի պաշտպանական համաձայնագիր, որը թույլ կտա Ուկրաինային արտահանել ռազմական տեխնոլոգիաներ ԱՄՆ և արտադրել անօդաչու թռչող սարքեր ամերիկյան ընկերությունների հետ համատեղ ձեռնարկություններում։

Իրանական պատերազմի ընթացքում Կիեւը Մերձավոր Արևելք է ուղարկել անօդաչու թռչող սարքեր և ռազմական պայմանագիրայիններ՝ ԱՄՆ դաշնակիցներին օգնելու պաշտպանվել իրանական «Շահեդ» անօդաչու թռչող սարքերից, որոնք «Ռուսաստանն օգտագործել է Ուկրաինայի վրա հարձակվելու համար»։

Վերջին երկու ամիսների ընթացքում Ուկրաինան արդեն իսկ պաշտպանական համաձայնագրեր է ստորագրել Սաուդյան Արաբիայի, Կատարի և Արաբական Միացյալ Էմիրությունների հետ։ Ուկրաինացի պաշտոնյաները հայտնել են, որ ավելի շատ համաձայնագրեր են մշակվում։

«Ներկայումս մոտ 20 երկիր ներգրավված է տարբեր փուլերում. 4 համաձայնագիր արդեն ստորագրվել է։ Եվ այդ համաձայնագրերի շրջանակներում առաջին պայմանագրերը այժմ պատրաստվում են», - Telegram-ում ասել է Ուկրաինայի նախագահ Վլադիմիր Զելենսկին։