Իրանի արտաքին գործերի նախարար Աբբաս Արաղչին անդրադարձել է մի շարք միջազգային խնդիրների Թուրքիայում։

Թուրքիայի մասին
Իրանը և Թուրքիան երկու խոշոր հարևաններ են, որոնք կապված են սերտ խորհրդակցությունների պատմությամբ: Մենք պահպանում ենք ամուր հարաբերություններ քաղաքական, տնտեսական, սոցիալական և մշակութային ոլորտներում և պարբերաբար համակարգում ենք մեր դիրքորոշումները տարածաշրջանային հարցերի վերաբերյալ: Ներկայումս տարածաշրջանային օրակարգը հատկապես լարված է, և լուրջ մարտահրավերներ են մնում: Միացյալ Նահանգների և մի շարք այլ կողմերի հայտարարված նպատակները պահանջում են ավելի սերտ երկխոսություն, տարածաշրջանային հարցերի վերանայում և մեր դիրքորոշումների ավելի խորը համակարգում:

Եվրոպայի մասին
Եվրոպան, ըստ էության, անկման մեջ աշխարհամաս է: Այն արդեն կորցրել է իր դերը միջազգային ասպարեզում և շարունակում է կորցնել այն ամեն օր: Ես զարմացած եմ, որ նրանք դա անում են իրենց հետ: Սա ցույց է տալիս, որ Եվրոպան չունի միջազգային իրավիճակի պատշաճ ըմբռնում, մեր տարածաշրջանում իրավիճակի համարժեք ընկալում և սեփական շահերի հստակ գիտակցում: Նրանց կայացրած որոշումը մեծ ռազմավարական սխալ էր՝ նույնը, ինչ նրանց նախորդ սխալը՝ այսպես կոչված «snapback» [նախորդ քաղաքականության ավտոմատ վերադարձ, եթե որոշակի պայմաններ խախտվում են] մեխանիզմի հետ կապված: Այսպիսով, նրանք ավելի նվազեցրին իրենց դերը տարածաշրջանային գործընթացներում: Ես համոզված եմ, որ շատ շուտով՝ ինչպես «snapback» մեխանիզմի դեպքում, երբ նրանք հետագայում ընդունեցին իրենց սխալը, նրանք շատ արագ կհանգեն նույն եզրակացության այս հարցում։