Русский
ԱՄՆ ռազմածովային ուժերը կշարունակեն իրանական նավահանգիստների շրջափակումը, հայտարարել է ԱՄՆ ֆինանսների նախարար Սքոթ Բեսսենթը։
«Ինչպես նշել է նախագահը, ԱՄՆ ռազմածովային ուժերը կշարունակեն իրանական նավահանգիստների շրջափակումը։ Մի քանի օրվա ընթացքում Խարգ կղզու նավթահորերը կլցվեն, և իրանական խոցելի նավթահորերը ստիպված կլինեն փակվել։ Իրանի ծովային առևտրի սահմանափակումն անմիջականորեն ազդում է ռեժիմի եկամտի հիմնական աղբյուրների վրա։
ԱՄՆ ֆինանսների նախարարությունը կշարունակի իր առավելագույն ճնշման քաղաքականությունը «Տնտեսական ցասում» գործողության շրջանակներում՝ համակարգված կերպով թուլացնելով Թեհրանի միջոցներ ստանալու, տեղափոխելու և վերադարձնելու կարողությունը։
Ցանկացած անձ կամ նավ, որը նպաստում է նման հոսքերին գաղտնի առևտրի և ֆինանսների միջոցով, ռիսկի է դիմում ԱՄՆ պատժամիջոցների տակ հայտնվել։
Մենք շարունակում ենք սառեցնել կոռումպացված ղեկավարության կողմից Իրանի ժողովրդից գողացված միջոցները», - հայտարարել է ԱՄՆ ֆինանսների նախարարն X-ում։