Սլովակիան չի աջակցի Եվրոպական հանձնաժողովի նախաձեռնությանը՝ Ուկրաինային սառեցված ռուսական ակտիվներից փոխհատուցման վարկ տրամադրելու վերաբերյալ, եթե դրանք օգտագործվեն ռազմական նպատակներով, հայտարարել է Սլովակիայի վարչապետ Ռոբերտ Ֆիցոն խորհրդարանում։

«Ես այն դիրքում չեմ, որ աջակցեմ Ուկրաինայի ֆինանսական կարիքների որևէ լուծման, որը կներառի Ուկրաինայի ռազմական ծախսերի ծածկումը առաջիկա տարիների համար։ Ես ոչ մի արդարացում չեմ փնտրում՝ ո՛չ ֆինանսական, ո՛չ էլ իրավական, սառեցված ռուսական ակտիվների օգտագործման հետ կապված ռիսկերի վերաբերյալ, ինչպես նաև այն փաստի վերաբերյալ, որ Սլովակիայի ներկայիս դժվար ֆինանսական վիճակը մեզ խանգարում է մասնակցել ԵՀ-ի՝ Ուկրաինայի ռազմական ծախսերը ծածկելու ծրագրերին», - ասել է Ֆիցոն։

Նա ասել է, որ խթանում է «խաղաղության քաղաքականություն»՝ նշելով, որ Ուկրաինային ռազմական օգնությունը «շարունակում է պատերազմը»։ Ֆիցոն նաև հայտարարել է, որ սառեցված ռուսական ակտիվների օգտագործումը «կարող է ուղղակիորեն վտանգել  խաղաղության ջանքերը Միացյալ Նահանգների, որն «ուղղակիորեն հույս ունի օգտագործել այդ ռեսուրսներն Ուկրաինան վերականգնելու համար»։

Սլովակիայի վարչապետը խորհրդարանականներին ասել է, որ չի մտադիրվում աջակցել Եվրոպական խորհրդի առաջիկա նիստում Ուկրաինային ռազմական օգնություն տրամադրելու վերաբերյալ որևէ որոշման։