Ուկրաինայում պատերազմը դադարեցնելու բանակցությունների հաջորդ փուլը տեղի կունենա առանց ԱՄՆ հիմնական միջնորդների՝ հատուկ դեսպանորդ Սթիվ Վիտկոֆֆի և նախագահի փեսա Ջարեդ Քուշների մասնակցության, ասել է ԱՄՆ պետքարտուղար Մարկո Ռուբիոն ԱՄՆ Սենատի լսումների ժամանակ։

Նրա խոսքով՝ Դոնեցկի վերահսկողության հետ կապված տարածքային հարցերը մնում են «շատ բարդ» և պահանջում են լուծում, և ԱՄՆ-ն հույս ունի, որ Ռուսաստանը և Ուկրաինան կկարողանան բանակցել առանց Վաշինգտոնի անմիջական մասնակցության։

«Ծրագիրն այն էր, որ այս շաբաթ շարունակվեն բանակցությունները երկկողմ ձևաչափով։ ԱՄՆ-ն կարող է ներկա լինել, բայց Սթիվն ու Ջարեդը չեն լինի», - նշել է Ռուբիոն։