Այսօր MediaHub-ի լրագրողն ականատես է եղել ավտոբուսի մասնակցությամբ ավտովթարի, որը տեղի է ունեցել Նոր Նորքում՝ Լվովյան փողոցի և Հայկի արձանի խաչմերուկի մոտ։ Նշենք, որ չնայած Նոր Նորքում կա ավտոբուսների համար առանձնացված գիծ, այդ վարչական շրջանում ավտոբուսների մասնակցությամբ վթարները բավականին հաճախ են լինում։

MediaHub-ը դիմել է «Երևանի ավտոբուս» ՓԲԸ-ի մամուլի խոսնակ Գեղամ Ասատրյանին՝ պարզելու, թե արդյոք վթարի հետևանքով մարմնական վնասվածքներ ստացած քաղաքացիներ կան, ինչ հանգամանքներում է այն տեղի ունեցել, և ով է մեղավոր՝ ավտոբուսի՞, թե՞ մյուս մեքենայի վարորդը։ «Փոքր վթար է եղել, մարմնական վնասվածք ստացած քաղաքացի չկա։ Անմեղի և մեղավորի հետ կապված որևէ մեկնաբանություն չեմ կարող տալ, կսպասենք ԱՊՊԱ-ի եզրակացությանը»,- ասել է Ասատրյանը։

Հիշեցնենք՝ մի քանի օր առաջ էլ գրել էինք, թե մեկ օրվա ընթացքում ավտոբուսի մասնակցությամբ երկու ավտովթար է եղել. մեկը՝ Մյասնիկյան պողոտայում, մյուսը՝ Աբովյան փողոցում՝ ժողովրդին հայտնի «Պլանի գլխի» մոտ։

Մարիաննա Արամյան