Իրանում տեղի ունեցող ամեն ինչ մեզ համար մեծ հետաքրքրություն է ներկայացնում, ուստի մենք ուշադիր հետևում ենք զարգացումներին, Ստամբուլում կայացած մամուլի ասուլիսի ժամանակ հայտարարել է Թուրքիայի արտաքին գործերի նախարար Հաքան Ֆիդանը։

«Իրանի կողմից միջազգային հիմնական խաղացողների հետ իր խնդիրների լուծումը և տարածաշրջանում տարածվող անկայունության կանխարգելումը նույնպես մեր շահերից են բխում»,-  նշել է Ֆիդանը:

Նա հույս է հայտնել ԱՄՆ-ի և Իրանի միջև առկա խնդիրների դիվանագիտական ​​լուծման համար՝ ուղղակիորեն կամ միջնորդավորված երկխոսության միջոցով:

Նախարարը նշել է, որ Անկարան դեմ է Իրանի դեմ ցանկացած ռազմական միջամտության և կարծում է, որ Թեհրանը պետք է ինքնուրույն լուծի իր ներքին և տարածաշրջանային խնդիրները:

Մեկնաբանելով Իսլամական Հանրապետության ներսում ստեղծված իրավիճակը՝ Ֆիդանը ընդգծել է, որ բնակչության սոցիալ-տնտեսական դժգոհությունը «սխալմամբ ներկայացվում է որպես գաղափարախոսական ապստամբություն» կառավարության դեմ: Նա նշել է, որ ստեղծված իրավիճակը  չի առաջադրում որևէ նախապայման, որը կարող են շահագործել Իրանի նկատմամբ թշնամաբար տրամադրված արտատարածաշրջանային պետությունները։

Թուրք նախարարը մեկնաբանել է Թուրքիայի մասնակցության հնարավորությունը նոր տարածաշրջանային դաշինքին, որը նման է Պակիստանի և Սաուդյան Արաբիայի նախաձեռնությանը։ Նա նշել է, որ այս հարցի շուրջ բանակցությունները շարունակվում են, սակայն մինչ օրս որևէ համաձայնագիր չի ստորագրվել։