Русский
ԱՄՆ նախագահի դեսպանորդ Սթիվ Վիտկոֆֆը և Դոնալդ Թրամփի փեսա, գործարար Ջարեդ Քուշները, շուտով կմեկնեն Մոսկվա՝ հանդիպելու Ռուսաստանի նախագահ Վլադիմիր Պուտինի հետ՝ շարունակելու ռուս-ուկրաինական պատերազմի ավարտի համաձայնագրի շուրջ քննարկումները, հաղորդել է Bloomberg-ը՝ հղում անելով աղբյուրներին։
Գործակալության աղբյուրների համաձայն՝ հանդիպումը կարող է տեղի ունենալ հունվարին, սակայն այդ ծրագրերը կարող են փոխվել, այդ թվում՝ Իրանում տեղի ունեցող իրադարձությունների պատճառով։ Մի աղբյուր նշել է, որ դեռևս պարզ չէ, թե որքանով է Պուտինը հետաքրքրված ամերիկացի բանակցողների հետ կրկին հանդիպելով։
Սպիտակ տան խոսնակը հայտարարել է, որ Վիտկոֆֆի, Քուշների և Պուտինի միջև այս պահին հանդիպում նախատեսված չէ։ Կրեմլը չի արձագանքել մեկնաբանության խնդրանքին։
Bloomberg-ը նաև հաղորդել է, որ Քուշները և Վիտկոֆֆը նախատեսում են Պուտինին ներկայացնել խաղաղության ծրագրի նախագծի վերջին տարբերակը։