Դելֆիի հաղորդմամբ՝ Լատվիան ավարտել է Ռուսաստանի հետ սահմանին 280 կիլոմետրանոց ցանկապատի կառուցումը, գրել է Delfi-ն

Ցանկապատը կառուցած «Վալստս Նեկուստամիե իպաշումի» ընկերության տվյալներով՝ կառույցը ապահովում է շարունակական պատնեշ նշված հատվածներում տեխնիկական նախագծի համաձայն։

Լատվիայի ներքին գործերի նախարար Ռիհարդս Կոզլովսկիսը հայտարարել է, որ սահմանը շարունակում է հագեցած լինել խելացի տեխնոլոգիաներով։ Նա նշել է, որ ռազմավարական նպատակը Եվրոպական միությանարևելյան սահմանին ժամանակակից անվտանգության համակարգ ստեղծելն է։ Ֆինանսների նախարար Արվիլս Աշերադենսը նշել է, որ սահմանային ցանկապատի կառուցումն ու ենթակառուցվածքների զարգացումը կամրապնդեն սահմանային ծառայության գործառնական կարողությունները։

Պարսպի կառուցմանը զուգահեռ, լատվիա-ռուսական սահմանի կարևոր հատվածներում ենթակառուցվածքների զարգացման աշխատանքներ են ընթանում, հաղորդել է հրատարակությունը: 17.9 միլիոն եվրո ընդհանուր արժողությամբ նախագծերը կներառեն պարեկային ճանապարհների, ճահճոտ տարածքներում պոնտոնային հարթակների, դիտաշտարակի և այլ կառույցների կառուցում: Շինարարության մեծ մասը նախատեսվում է ավարտել մինչև 2026 թվականի վերջը։

Նոյեմբերի վերջին Լատվիայի նախագահ Էդգարս Ռինկեւիչսը հայտարարել է Լատվիայից Ռուսաստան տանող երկաթուղային գծերի հնարավոր ապամոնտաժման մասին: Նա ընդգծել է, որ արևելյան սահմանին լարված իրավիճակը երկար ժամանակ կշարունակվի, և ռելսերի ապամոնտաժումը համարվում է անվտանգությունը բարձրացնելու լուծումներից մեկը: