Լիբանանյան «Հըզբոլլահ» խմբավորումը հայտարարել է, որ Իրանը հարձակվել է Իսրայելի վրա «լիբանանցի ժողովրդի պաշտպանության համար» և շնորհակալություն հայտնել Թեհրանին ցուցաբերած աջակցության համար։

Շարժումը կոչ է արել Լիբանանի իշխանություններին օգտագործել ստեղծված իրավիճակը՝ Իրանի հետ կապ հաստատելու և Թեհրանի հետ պաշտոնական հարաբերությունները վերանայելու համար՝ «երկու երկրների շահերից ելնելով»։

«Իրանն աջակցում է Լիբանանի օրինական իրավունքներին և կրում է նյութական և քաղաքական ծախսերը։ Սա հաստատում է, որ հենց Իրանն է աջակցում Լիբանանին, այլ ոչ թե հակառակը», - ասվում է կազմակերպության հայտարարության մեջ։