Եվրոպական Միությունը մտադիր է Իրանի Իսլամական հեղափոխության պահապանների կորպուսը  ճանաչել ահաբեկչական կազմակերպություն։

«Մենք նոր պատժամիջոցներ ենք սահմանում Իրանի դեմ և նաև ակնկալում ենք, որ Իսլամական հեղափոխության պահապանների կորպուսը կճանաչվի ահաբեկչական կազմակերպություն», - ԵՄ արտաքին գործերի նախարարների խորհրդի նիստից առաջ հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասը։

Կալլասի խոսքով՝ որոշումը պայմանավորված է ԵՄ-ի կողմից տարածաշրջանային անվտանգության ոլորտում Թեհրանի գործողությունների վերաբերյալ շարունակական մտահոգություններով։