Русский
Ռուսաստանի Դաշնության զինված ուժերի գեներալ Վլադիմիր Ալեքսեեւի դեմ մահափորձի գործով ձերբակալվածները խոստովանել են իրենց մեղքը և հայտարարել, որ գործել են Ուկրաինայի անվտանգության ծառայության հրահանգներով, հայտնել է Ռուսաստանի Դաշնային անվտանգության ծառայության հասարակայնության հետ կապերի կենտրոնը։
Ռուսաստանի քաղաքացիներ՝ 1960 թվականին ծնված Լյուբոմիր Կորբան և 1959 թվականին ծնված Վիկտոր Վասինը, որոնք ձերբակալվել են Դաշնային անվտանգության ծառայության աշխատակիցների կողմից, խոստովանել են իրենց մեղքը և նկարագրել Ռուսաստանի զինված ուժերի գլխավոր շտաբի գլխավոր վարչության պետի առաջին տեղակալ, գեներալ-լեյտենանտ Վլադիմիր Ալեքսեեւի դեմ մահափորձի հանգամանքները։
Ըստ ՌԴ ԱԴԾ-ի՝ Կորբան գործել է որպես մահափորձի անմիջական կատարող, իսկ Վասինը եղել է նրա հանցակիցը։
Կիեւն ավելի վաղ հերքել էր իր մասնակցությունը։