Եվրոպական Միությունը պատրաստ է Ուկրաինային երկկողմ վարկեր տրամադրել, եթե Հունգարիան և Սլովակիան շարունակեն խոչընդոտել 90 միլիարդ եվրոյի տրամադրումը, հաղորդում է Politico-ն՝ հղում անելով եվրոպացի դիվանագետների։

Բալթյան և սկանդինավյան երկրները մտադիր են Ուկրաինային տրամադրել մոտ 30 միլիարդ եվրո երկկողմ վարկեր: Այս ձևաչափը չի պահանջի ԵՄ բոլոր անդամ պետությունների միաձայն հաստատումը և թույլ կտա Ուկրաինային «մնալ ջրի երեսին» առնվազն տարվա առաջին կեսին, հրատարակությանը բացատրել են երկու աղբյուրներ։

Աղբյուրները նշել են, որ Նիդեռլանդներն արդեն իսկ Ուկրաինայի համար տարեկան 3,5 միլիարդ եվրո ուղղակի աջակցություն է հատկացրել մինչև 2029 թվականը: Տնտեսության հարցերով եվրահանձնակատար Վալդիս Դոմբրովսկիսը խոստացել է, որ ԵՄ-ն կկատարի իր ֆինանսավորման պարտավորությունները՝ չնայած Բուդապեշտի դիրքորոշմանը։