Վաշինգտոնը քննարկում է ամերիկյան զորքերի լիակատար դուրսբերման հարցը Սիրիայից՝ «Սիրիայի դեմոկրատական ​​ուժերի» (SDF) պարտությունից հետո, հայտնել է «The Wall Street Journal»-ը՝ հղում անելով աղբյուրներին։

Երկրում տեղակայված են մոտ 1000 ամերիկացի զինծառայողներ, որոնց մեծ մասը Սիրիայի հյուսիս-արևելյան օբյեկտներում են՝ քրդական «Սիրիայի դեմոկրատական ուժեր» (SDF) մոտակայքում։

Երեք ամերիկացի պաշտոնյաների խոսքով՝ Պենտագոնը կասկածի տակ է դրել Սիրիայում ամերիկյան առաքելության «կենսունակությունը» SDF-ի պարտությունից հետո։ Աղբյուրների համաձայն՝ եթե SDF-ը լիակատար լուծարվի, Վաշինգտոնն «իմաստ չի տեսնում առաքելությունը շարունակելու մեջ»։

Բացի այդ, հրատարակությունը որպես այս որոշմանը ազդող մեկ այլ գործոն նշել է Սիրիայի կառավարական ուժերի հետ համագործակցության դժվարությունը։ WSJ-ի աղբյուրների համաձայն՝ այնտեղ ծառայողներից շատերը կապված են «Իսլամական պետության» և «Ալ-Քաիդայի» հետ կամ «ներգրավված են քրդերի և դրուզների դեմ ռազմական հանցագործություններում»։