Միացյալ Նահանգներում երկու ուղևորատար ինքնաթիռների միջև օդային բախումը կանխվել է երթևեկության կարգավարի շնորհիվ։ Այս մասին հաղորդել է ABC News-ը։

«Հավանական աղետը կանխվել է, երբ Ֆինիքսի օդային երթևեկության կարգավարը նկատել է, որ American Airlines երկու ինքնաթիռներ սխալմամբ թռչում են նույն չվերթի համարով և արագ արձագանքել է՝ խուսափելու շփոթությունից և պահպանելու նրանց միջև անվտանգ հեռավորություն», - ասվում է հաղորդագրության մեջ։

American Airlines-ի երկու ինքնաթիռներն էլ նշանակվել են 2482 համարով չվերթ։ Մեկը Չիկագոյից էր և մոտենում էր Ֆինիքսին, մինչդեռ մյուսը պետք է մեկներ Ֆինիքսից։  Կարգավարը նկատել է համընկնումը և սկսել է օգտագործել ինքնաթիռների համար տարբեր անվանումներ՝ «American 2482 մոտեցում» և «American 2482 մեկնում»։ Մեկնող ինքնաթիռին նաև հրահանգ է տրվել չափազանց շատ չբարձրանալ՝ անվտանգ հեռավորությունը պահպանելու համար

 2482 չվերթը պարբերաբար գործում է Չիկագոյի և Ֆինիքսի միջև երկու ուղղություններով և սովորաբար շահագործվում է մեկ ինքնաթիռով։ Սակայն, Չիկագոյից թռիչքի ուշացման պատճառով, ավիաընկերությունը փոխել է մեկ այլ ինքնաթիռի ուղղությունը։