Русский
ԱՄՆ նախագահ Դոնալդ Թրամփի և ՆԱՏՕ-ի գլխավոր քարտուղար Մարկ Ռյուտեի քննարկած, Գրենլանդիայի շրջանակային համաձայնագիրը նախատեսում է կղզու նկատմամբ Դանիայի ինքնիշխանության հարգում, քննարկվում է նաև «Ոսկե գմբեթ» հակահրթիռային պաշտպանության համակարգի տարրեր տեղակայելու հնարավորությունը, հաղորդել է Axios-ը։
Ըստ պորտալի՝ փաստաթուղթը չի նախատեսում Գրենլանդիայի լիակատար վերահսկողությունը Կոպենհագենից Վաշինգտոն փոխանցել։
Ծրագիրը հիմնված է ԱՄՆ-ի և Դանիայի միջև 1951 թվականի Գրենլանդիայի պաշտպանության համաձայնագրի թարմացման վրա, որը թույլ է տալիս Վաշինգտոնին կառուցել ռազմական բազաներ ու ստեղծել «պաշտպանական գոտիներ», եթե ՆԱՏՕ-ն կարիք ունենա։ Ակնկալվում է, որ ԱՄՆ-ն բարձր մակարդակի բանակցություններ կսկսի Դանիայի և Գրենլանդիայի հետ առաջիկա շաբաթներին։
Սակայն Գրենլանդիայի խորհրդարանի անդամ Աայա Քեմնիցը մերժել է ՆԱՏՕ-ի հետ հնարավոր համաձայնագրի մասին պնդումները: «Այն, ինչ մենք վերջերս տեսանք Թրամփի հայտարարություններում, բացարձակապես աբսուրդ է: ՆԱՏՕ-ն բացարձակապես ոչ մի լիազորություն չունի բանակցելու որևէ հարցի շուրջ՝ առանց մեր մասնակցության Գրենլանդիայում»,- գրել է նա իր ֆեյսբուքյան էջում։