Ամերիկյան «USS Gerald R. Ford» ավիակիրը ժամանել է Կրետե կղզու ռազմածովային բազա, հաղորդել է հունական flashnews.gr լրատվական կայքը։

Ըստ պորտալի՝ ԱՄՆ ռազմածովային ուժերի հատուկ քննիչները կնստեն ավիակիր՝ հարցաքննելու դրա հրամանատարներին և անձնակազմի անդամներին, ովքեր կարող էին ներգրավված լինել հրդեհի մեջ։

Մի քանի օր առաջ հայտնի էր դարձել, որ ԱՄՆ նավաստիներին և ափամերձ անձնակազմին ավելի քան 30 ժամ է պահանջվել «USS Gerald R. Ford» ավիակիր նավի գլխավոր լվացքատանը բռնկված հրդեհը մարելու համար։

Հրդեհը տարածվել էր չորացման անցքի միջով։ Միջադեպի հետևանքով վիրավորվել էին երկու նավաստիներ, սակայն նրանց կյանքին վտանգ չէր սպառնացել։ Ըստ տեղեկությունների՝ անձնակազմի տասնյակ անդամներ տուժել էին ծխի շնչելու պատճառով։ Ավելի քան 600 զինծառայող զրկվել է քնելու տեղերից և ժամանակավորապես տեղավորվել է անցուղիներում և ընդհանուր տարածքներում։