Վերջին օրերին նախագահ Թրամփը իր գործընկերներին ասել է, որ ցանկանում է խուսափել Իրանում երկարատև պատերազմից և որ հույս ունի ավարտել հակամարտությունը առաջիկա շաբաթներին, գրել է «The Wall Street Journal» թերթը։

Պատերազմի սկսվելուց գրեթե մեկ ամիս անց նախագահը անձամբ տեղեկացրել է խորհրդականներին, որ իր կարծիքով` հակամարտությունը վերջնական փուլում է և կոչ արել նրանց հետևել իր կողմից հրապարակավ սահմանված չորսից վեց շաբաթվա ժամանակացույցին, ասել են թեմային ծանոթ անձինք։

Սպիտակ տան պաշտոնյաները մայիսի կեսերին Պեկինում գագաթնաժողով են նախատեսել Չինաստանի առաջնորդ Սի Ծինպինի հետ՝ ակնկալելով, որ պատերազմը կավարտվի մինչև հանդիպման սկսվելը։ Հանդիպումը նախատեսված է մայիսի 14-15-ը։

ԱՄՆ նախագահը կարծում է, որ Իրանում պատերազմը շեղում է իրեն այլ նպատակներից։ Թրամփը չի մանրամասնել, թե որն է նոր նպատակը, սակայն հրատարակության որոշ աղբյուրներ ենթադրել են, որ դա կարող է լինել Կուբայում վարչակազմի փոփոխությունը։