Լեհաստանի վարչապետ Դոնալդ Տուսկը հորդորել է Եվրոպային չփայփայել ՆԱՏՕ-ի և ԱՄՆ-ի շնորհիվ անվտանգության վերաբերյալ պատրանքներ։

«Կասկած չկա, և սրանք ամերիկյան կողմից հայտարարություններ են, որ Եվրոպան պետք է պաշտպանվի և հիմնականում հույսը դնի իր սեփական ուժերի վրա։ Եվ Վաշինգտոնի վարչակազմի կողմից ՆԱՏՕ-ի, Եվրամիության նկատմամբ որպես այդպիսին սկեպտիցիզմը նույնպես նորություն չէ», - լրագրողներին ասել է Տուսկը Եվրոպական Միության առաջնորդների ոչ պաշտոնական հանդիպման երկրորդ օրը։

Նա կոչ է արել եվրոպական երկրներին գործնական որոշումներ կայացնել իրենց անվտանգությունն ապահովելու համար։ «Ես ուզում եմ ցնցել յուրաքանչյուրին, ով ցանկանում է ապրել պատրանքների մեջ։ Մենք չենք կարող սահմանափակվել հռչակագրերով և պայմանագրերով։ Մենք պետք է ունենանք գործնական լուծումներ, որոնք անմիջականորեն ազդում են մեր սահմանների անվտանգության վրա։ Սա չի կարող լինել միայն թղթի վրա», - ընդգծել է Տուսկը։