Русский
Ինչո՞ւ ենք մենք ընդունում մարդկանց միայն վատ երկրներից, հարցադրում է հնչեցրել ԱՄՆ նախագահ Դոնալդ Թրամփը։
«Մենք հանդիպում ունեցանք, և ես ասացի՝ «Ինչո՞ւ ենք մենք ընդունում միայն վատ երկրներից մարդկանց։ Ինչո՞ւ չենք կարող մի քանի մարդ ընդունել Նորվեգիայից, Շվեդիայից, Դանիայից՝ գոնե մի քանիսին»։ Ուղարկեք մեզ մի քանի լավ մարդկանց, դեմ չե՞ք»,- նշել է Թրամփը։
Սպիտակ տան ղեկավարը դժգոհել է, որ ԱՄՆ-ը մարդկանց է ընդունում Սոմալիից։
«Բայց մենք միշտ ընդունում ենք մարդկանց Սոմալիից, աղետի ենթարկված վայրերից։ Կեղտոտ, խարխուլ, զզվելի, հանցագործություններով լի։ Միակ բանը, որ նրանք գիտեն անել, նավերին հարձակվելն է», - նշել է ԱՄՆ նախագահը՝ դիմելով իր կողմնակիցներին։
Թրամփը նաև խոստացել է մեկնարկային կապիտալ Միացյալ Նահանգների քաղաքացի երեխաների համար։ «Մեր հարկային կրճատումների մեկ այլ կարևոր մասը հայտնի է որպես «Թրամփի հաշիվներ»: Այս նոր ծրագրի շրջանակներում դաշնային կառավարությունը յուրաքանչյուր նորածին ամերիկացի երեխայի համար կստեղծի ներդրումային խնայողական հաշիվ, որի մեջ կներդրվի 1000 դոլար, որը կաճի ողջ կյանքի ընթացքում... Դա նման է վստահության ֆոնդի յուրաքանչյուր ամերիկացի երեխայի համար», - բացատրել է Թրամփը: