Իրանի արտաքին գործերի նախարար Աբբաս Արաղչին և Ադրբեջանի ԱԳ նախարար Ջեյհուն Բայրամովը հեռախոսազրույց են ունեցել, հայտնել է Իրանի ԱԳՆ-ն։

Արաղչին հերքել է Իրանի՝ Ադրբեջանի ուղղությամբ որևէ արկ արձակելու մասին տեղեկությունը։

Նախարարը նշել է, որ Իրանի զինված ուժերը այս կապակցությամբ անհրաժեշտ հետաքննություն են իրականացնում։ Արաղչին նաև անդրադարձել է նման հարձակումներում «Իսրայելի ռեժիմի դերին»՝ հասարակական կարծիքը շեղելու և Իրանի հարևանների հետ հարաբերությունները խաթարելու նպատակով։

Արաղչին ասել է, որ վերջին օրերին նման այլ օրինակներ են նկատվել։