Չինական փոքր ընկերությունները բացահայտորեն արտահանում են կրկնակի օգտագործման անօդաչու թռչող սարքերի բաղադրիչներ, այդ թվում՝ շարժիչներ, մարտկոցներ, օպտիկամանրաթելային մալուխներ և չիպեր, Իրան և Ռուսաստան, հաճախ՝ ի հեճուկս ԱՄՆ պատժամիջոցների, գրել է «The Wall Street Journal»-ը։

Ընկերություններից մեկը՝ «Xiamen Victory Technology»-ն, նույնիսկ շուկայավարել է գերմանական նախագծման L550 դրոնների շարժիչներ, որոնք կապված են Իրանի Shahed-136 հարձակողական անօդաչու թռչող սարքերի հետ, որոնք օգտագործվել են վերջին տարածաշրջանային հակամարտություններում։

Ամերիկացի պաշտոնյաները նշել են, որ այս առևտուրը դադարեցնելը դժվար է, քանի որ անօդաչու թռչող սարքերի արտադրությունը հիմնված է ընդհանուր առևտրային մասերի վրա, որոնք հեշտությամբ տեղափոխվում են համաշխարհային մատակարարման շղթաներով։ Չինացի շատ մատակարարներ փոքր ընկերություններ են, որոնք մեծ մասամբ անխոցելի են ԱՄՆ պատժամիջոցներից և ավելի ու ավելի բաց են գործում։