Եթե Թեհրանը կարողանա լուծել միջուկային հիմնախնդրի հետ կապված հարցերը և հասնել խաղաղ միջուկային ծրագրի վրա հիմնված նոր միջուկային համաձայնագրի, և եթե պատժամիջոցները վերացվեն, ապա կարող է հաջորդել համագործակցությունը այնպիսի ոլորտներում, ինչպիսիք են էներգետիկան և փոխադարձ շահերի վրա հիմնված այլ նախագծերը, ասել է Իրանի արտաքին գործերի նախարար Աբբաս Արաղչին CNN-ին տված հարցազրույցում՝ խոսելով ԱՄՆ-ի հետ համագործակցության հնարավորության մասին։

- Մենք երբեք չենք բացառել Միացյալ Նահանգներին մեր տնտեսական նախագծերից;

- Մենք կարևոր դասեր քաղեցինք և արժեքավոր փորձ ձեռք բերեցինք նախորդ պատերազմից։ Ներկայումս մեր բալիստիկ հրթիռները տեղում են, մեր ուժը մնում է անսասան, մենք վերանայել ենք մեր հիմնական հնարավորությունները և այժմ ավելի լավ ենք պատրաստված։ Սա ամենահստակ ուղերձն է, որը մենք կարող ենք ուղարկել Միացյալ Նահանգներին. եթե հարձակում տեղի ունենա, մենք կպատասխանենք ցնցող, արագ և շատ հզոր հակահարձակմամբ։

-Արաղչին Իրանում 30,000 մահացածների մասին պնդումները սուտ է անվանել։ «Երբեմն նրանք պնդում են 30,000, երբեմն՝ 50,000: Դա ամբողջությամբ սուտ է»; 

- Իրանում վարչակարգի փոփոխությունը ոչ այլ ինչ է, քան ֆանտազիա: Որոշ մարդիկ ընկել են այս պատրանքի մեջ։ Մեր համակարգը այնքան խորն է արմատավորված և ունի այնքան ամուր հիմքեր, որ անհատների գալն ու գնալը նշանակություն չունի։ Համակարգը մնում է տեղում ու շարունակում է գործել;

- Իսրայելը իրական ժողովրդավարություն չունի։