Թուրքիայի Անթալիա նահանգի Ալանիա շրջանում ավտոլվացման կետում տեղի ունեցած զինված միջադեպի հետևանքով մեկ մարդ զոհվել է, ևս երկուսը՝ վիրավորվել, հայտնում է Haber Global-ը։

Միջադեպը տեղի է ունեցել նախօրեին՝ ժամը 19։00-ի սահմաններում, Ֆըղլա թաղամասում գտնվող ավտոլվացման կետում։ Երեք տղամարդկանց միջև վեճ է ծագել, որի պատճառները դեռևս հայտնի չեն։ Բանավեճը վերածվել է զինված բախման։