Համաձայն Ռոսհիդրոմետի տվյալների մարտի 2-ին Օյմյակոնում գրանցվել է ջերմաստիճանի նոր ռեկորդ. օդը տաքացել է մինչև -10.4°C: Այս մասին իր էջում գրում է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։

«Դա տվյալ օրվա համար դիտարկումների ողջ պատմության ընթացքում արձանագրված ամենաբարձր ցուցանիշն է։

Բացի այդ, միջին օրական ջերմաստիճանը այդ օրը գերազանցել է կլիմայական նորման 21,5 աստիճանով։

Մարտի 2-ի համար նախորդ առավելագույնը պահպանվում էր 1985 թվականից և կազմել է -19,1°C»,- գրել է նա։