Իսրայելի պաշտպանության ուժերը (ԻՊՈւ) հայտարարել են «Համաս» խմբավորման ռազմական թևի երկու անդամների սպանության մասին։

Ըստ հրեական բանակի՝ սպանվածները նախկինում մասնակցել են 2023 թվականի հոկտեմբերի 7-ի հարձակմանը և ներթափանցել Ռեիմի ճամբար։

ԻՊՈւ-ի տվյալներով՝ սպանվածներից մեկը «Նուհբա» էլիտար ստորաբաժանման անդամ Հազեմ Մուսան է եղել։ Նա սպանվել է Գազայի հատվածի հարավային Խան Յունիս շրջանում հասցված հարվածի ժամանակ։

Նույն տարածքում տեղի ունեցած առանձին հարվածի ժամանակ սպանվել է Ռազեկ Սահիլ Սուլեյման Աբու Շահման։ ԻՊՈւ-ն նշել է, որ նա նույնպես մասնակցել է Ռեիմի ճամբարի վրա հարձակմանը, իսկ ավելի ուշ եղել է «Համասի» նախկին առաջնորդ Յահյա Սինվարի թիկնապահը։