Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչն Անկարայում ընդունել է Ադրբեջանի նախագահի հատուկ հանձնարարականներով ներկայացուցիչ Հալեֆ Հալեֆովի գլխավորած պատվիրակությանը։

Հանդիպմանն անդրադարձ է կատարվել Արցախին, Հայաստանի և Ադրբեջանի միջև կարգավորման գործընթացին։

Քըլըչն X-ի իր միկրոբլոգում գրել է, որ քննարկել են Թուրքիայի ու Ադրբեջանի երկկողմ հարաբերությունները, «մեր գոհունակությունն ենք հայտնել Ադրբեջանի և Հայաստանի միջև կարգավորման գործընթացի վերաբերյալ»։