Միչիգանում ելույթի ժամանակ ԱՄՆ նախագահ Դոնալդ Թրամփը կրկին դժգոհություն է հայտնել այն կապակցությամբ, որ չի ստացել Խաղաղության Նոբելյան մրցանակը։ Ըստ նորվեգական NRK հեռարձակող ընկերության՝ Թրամփը բազմիցս պնդել է, որ ինքն արժանի է այդ մրցանակին։

Ի պատասխան՝ Նորվեգիայի արտաքին գործերի նախարար Էսպեն Բարթ Էյդեն հիշեցրել է ԱՄՆ նախագահին Նոբելյան կոմիտեի անկախության մասին։ «Նա շատ լավ գիտի, որ Նոբելյան կոմիտեն անկախ է։ Մենք նշել ենք դա ամեն անգամ, երբ որևէ կասկած է առաջացել, և այդպես էլ մնում է»,— հայտարարել է նախարարը։

Արձագանքելով կոմիտեի որոշմանը՝ Թրամփը քննադատել է Նորվեգիային։ «Ես ասացի. «Իսկ ես՞... մի՞թե նրանք երկու մրցանակ են տալիս»։ Ես Նորվեգիայի սիրահարը չեմ։ Անկեղծ ասած, Նորվեգիան վատն է։ Նորվեգիան իսկապես դարձել է մի գարշելի երկիր»,— հայտարարել է նախագահը։

Ավելի վաղ՝ հոկտեմբերի 10-ին, Թրամփը որոշումը, ըստ որի իրեն մրցանակ չի շնորհվել, որակել էր որպես «անջնջելի հետք» Նորվեգիայի համար։ 2026 թվականի Խաղաղության Նոբելյան մրցանակը շնորհվել է Հարավային Աֆրիկայից ՄԱԿ-ի մարդու իրավունքների հարցերով նախկին գերագույն հանձնակատար Նավի Փիլլեյին՝ մարդու իրավունքների պաշտպանության և միջազգային իրավունքի ոլորտում ունեցած ներդրման համար։