Կրեմլը հաստատել է Օլեշկիում իրականացված հումանիտար գործողության հաջողությունը և գոհունակություն հայտնել բոլոր մասնակից կողմերի, այդ թվում՝ Ռուսաստանի և Ուկրաինայի օմբուդսմեններ Յանա Լանտրատովայի և Դմիտրի Լուբինեցի միջև առկա համակարգման բարձր մակարդակի կապակցությամբ։

«Մենք, իսկապես, կարող ենք հաստատել այս հումանիտար գործողության հաջող իրականացումը», - լրագրողներին ասել է Կրեմլի մամուլի քարտուղար Դմիտրի Պեսկովը։

«Մենք բարձր ենք գնահատում այն ​​համակարգումը, որին հաջողվել է հասնել բոլոր մասնակիցների միջև՝ գործողության նախապատրաստման ընթացքում։ Մեծ ծավալի աշխատանք է կատարել մեր օմբուդսմեն Յանա Լանտրատովան։ Մենք նաև գնահատում ենք ուկրաինական կողմի նրա գործընկերոջ հետ համակարգման մակարդակը», - հավելել է Կրեմլի ներկայացուցիչը։

▪ Ռուսաստանը երախտագիտություն է հայտնում Միացյալ Նահանգներին, և հատկապես՝ Մելանյա Թրամփին՝ Օլեշկիում իրականացված հումանիտար գործողության հարցում ցուցաբերած աջակցության համար։

▪ Ներկայումս Օլեշկիի գործողությանը նման հումանիտար գործողություն իրականացնելու ծրագրեր կամ նախաձեռնություններ չկան։

▪ Համաշխարհային տնտեսական աճի կենտրոններն այլևս Եվրոպայում չեն, դրանք «հավաքական Հարավում են»։

▪ Նախապատրաստական ​​աշխատանքներ են տարվում APEC-ի (Ասիա-խաղաղօվկիանոսյան տնտեսական համագործակցություն) գագաթնաժողովի շրջանակներում Վլադիմիր Պուտինի և Սի Ծինփինի հանդիպման ուղղությամբ. Մոսկվան ակնկալում է այդ հանդիպումը։

▪ APEC-ի գագաթնաժողովում Պուտինի, Սի Ծինփինի և Թրամփի միջև հնարավոր եռակողմ հանդիպման վերաբերյալ դեռևս կոնկրետ մանրամասներ չկան։

▪ APEC-ի գագաթնաժողովի ընթացքում Պուտինի ծրագիրը դեռ մշակման փուլում է։

▪ Ռուսաստանի և Չինաստանի միջև համագործակցության հսկայական հնարավորություններ կան։ Իրենց հանդիպումների ժամանակ Պուտինն ու Սի Ծինփինը ավանդաբար մանրամասն քննարկում են երկկողմ հարաբերությունների վիճակը և անդրադառնում միջազգային իրավիճակ

▪ Ռուսաստանին Թյուրքական պետությունների կազմակերպությանը միանալու վերաբերյալ դեռևս ոչ մի պաշտոնական հրավեր չի ստացվել: Ռուսաստանի մասնակցությունը Թյուրքական պետությունների կազմակերպությանը տեղին կլիներ։

▪ Կրեմլը, ինչպես և ամբողջ աշխարհը, հետևում է ԱՄՆ-ում ընթացող ընտրություններին, սակայն դրանք մնում են Միացյալ Նահանգների ներքին գործը։

▪ Կիբերհարձակումների սպառնալիքն աճում է, և բոլոր պետական ​​գերատեսչությունները պետք է ուժեղացնեն իրենց ռեսուրսների պաշտպանությունը. այսպես է մեկնաբանել Պեսկովը Արտակարգ իրավիճակների նախարարության անունից իբր ուղարկված կեղծ «ծանուցման» դեպքը։

▪ Ռուսաստանի Դաշնության նախագահի կայքը ամեն օր բազմիցս ենթարկվում է հաքերային հարձակումների։