Ուկրաինայի իշխանությունները սկսել են պլանավորել նախագահական ընտրություններ և Ռուսաստանի հետ խաղաղության համաձայնագրի շուրջ հանրաքվե, հաղորդել է «Financial Times»-ը՝ հղում անելով աղբյուրների։

Ուկրաինան սկսել է պլանավորել նախագահական ընտրություններ և Ռուսաստանի հետ խաղաղության համաձայնագրի շուրջ հանրաքվե, այն բանից հետո, երբ ԱՄՆ նախագահ Դոնալդ Թրամփի վարչակազմը ճնշում է գործադրել Կիեւի վրա, որպեսզի երկու քվեարկություններն էլ անցկացվեն մինչև մայիսի 15-ը, հակառակ դեպքում երկիրը ​​ռիսկի է դիմում կորցնելու ԱՄՆ-ի կողմից առաջարկվող անվտանգության երաշխիքները։

Թերթի աղբյուրների համաձայն՝ Ուկրաինայի նախագահ Վլադիմիր Զելենսկին մտադիր է հայտարարել փետրվարի 24-ին նախագահական ընտրություններ և հանրաքվե անցկացնելու ծրագրերի մասին։

Ավելի ուշ Ուկրաինայի նախագահի աշխատակազմը հերքել է, թե Կիեւը փետրվարի 24-ին հայտարարելու է նախագահական ընտրությունների և Ռուսաստանի հետ խաղաղության համաձայնագրի շուրջ հանրաքվեի անցկացման մասին։

Ըստ ՌԲԿ-Ուկրաինայի՝ Վլադիմիր Զելենսկու շրջապատին մոտ կանգնած աղբյուրն ասել է, որ անվտանգության իրավիճակը մնում է առանցքային պայման, և որ նման որոշումները չեն կարող ընդունվել առանց կայուն անվտանգության միջավայրի։