Русский
Եվրոպական Միությունը լիովին չի հասկանում Հորմուզի նեղուցում ԱՄՆ գործողությունների բնույթը և չի աջակցում որևէ գործողության, որը խաթարում է նեղուցով նավարկության ազատությունը, ասել է ԵՄ բարձր ներկայացուցիչ Կայա Կալլասը BBC-ին տված հարցազրույցում։
Նա ընդգծել է, որ նեղուցով էներգիա և պարարտանյութ տեղափոխող նավերի անցման արգելափակումը «լուրջ տառապանքներ է պատճառում աշխարհին»:
Կալլասը նաև նշել է, որ Եվրոպան պատրաստ է օգտագործել իր հնարավորությունները այլ երկրների հետ համատեղ՝ Հորմուզի նեղուցում նավարկությունն ապահովելու համար, բայց միայն «ռազմական գործողությունների ավարտից հետո»:
Բարձրաստիճան դիվանագետի խոսքով՝ պատերազմի խաղաղ լուծում է անհրաժեշտ, և որ տարածաշրջանի մյուս երկրները նույնպես պետք է նստեն բանակցությունների սեղանի շուրջ, քանի որ «նրանք Իրանին ավելի լավ գիտեն, քան որևէ մեկը»:
Կալլասին հարցրել են, թե արդյոք ԱՄՆ նախագահ Դոնալդ Թրամփը ցանկանում է, որ ԵՄ-ն նստի բանակցությունների սեղանի շուրջ։ «Նախագահ Թրամփը շատ հստակ է արտահայտել իր տեսակետները Եվրամիության վերաբերյալ, և սա է պատասխանը», - ասել է նա։